جديد منتديات عالم الزين: شهر العسل وبداية الزواج , التعامل مع بدايه الزواج

الجمعة، 29 نوفمبر 2013

شهر العسل وبداية الزواج , التعامل مع بدايه الزواج

اهلا وسهلا بيكم اعضاء وزوار منتديات عالم الزين الكرام

بنقدملكم النهاردة موضوع مميز وجديد

لقسم

تجهيز العروس - مستلزمات العروس - طريقه تجهيز عروس كامله - العناية بالعروس

والموضوع اليوم بيتكلم عن

شهر العسل وبداية الزواج , التعامل مع بدايه الزواج

السلام عليكم ورحمة الله وبركاته
موضوع مررره عجبني

وحبيت أنقله لكم بالحرف الواحد عشان تستفيدو

ولاتنسو ترفعو الموضوع عشان البنات يستفيدو منه لأنه جداا مهم

رآح اتكلم هنا عن شهر العسل وبداية الزواج عموما

أجمل شهر يمر على كل أنثى

مو شرط يكون بالسفر لأن بداية الزواج عسل×عسل

شهر استثنائي مستقطع من الحياه

فيه نقاط كثيره راح اتكلم عنها

كيف تتجنبين شغلات تعكر شهر العسل

وكيف تحلين شهر العسل وتزيدينه عسل

كيف تعتنين بنفسك

كيف تواجهين الشي الجديد بحياتك (الجنس)

وأسرار جميله تخلق لك جو خاص مع زوجك

نبتدي بأول ليلة بعد حفلة الزواج اللي كنتي فيها اميره

بعد ماانتهى التوتر وشد الأعصاب والظغط والدموع

وانتهت لحظات وداع الأحباب والفرح ..

حان وقتك انتي وهو(اول ليله هي كم ساعه بتنحفر بمخك للأبد )

أول ليله احلى لها طعم خاص ماينوصف ممكن تكون اجمل ساعات العمر

طبيعي الخجل والحياء شي محمود

بس بليز ياعروسه ياجميله لايزيد عن حده الله يخليك لأنه بينزع عليك اجمل ليله

ماراح يكون بينكم تفاعل والوضع بيكون متوتر ممكن يفسر خجلك الزايد على انه نفور منه

ترى حتى هو بيكون متوتر مايعرف وش يقول وكيف يبدى ..

ويآحبيبتي لاتستغربين اذا رغب بـ ( الأحم أحم )

بعض البنات يفهمون غلط وتعتبر ان زوجها يبي يفترسها من اول ليله

هذي فطره في الرجال وش فيها اذا سلمتيه نفسك من اول ليله !

حلو يكون اللقاء الأول رومنسي فيه اندماج اجساد اذا سهلتي انتي عليه المهمه بتنبسطون وبتصير فعلاً ليلة العمر

ترى هالشي صاير صاير كل ماخلصتي بدري كان احسن لك ليش التأجيل بيكون لك هم ..

*كلنا سمعنا قصص تهويل وتخويف من الألم اللي راح يحصل عند اول لقاء

هالتهويل والترويع اللي نسمعه هو السبب بمشكلتنا

(بقولكم وش حصل معي وانتم احكمو) ..

قريت موضوع عن ليلة الدخله تجارب العضوات اغلبهم قالوا عن الألم ومن هالكلام

إلا وحده تقول انا ماحسيت بشي لأني كنت كم ساعه بالطياره وحسرانه مره وتبنجت المنطقه عندي

قبل زواجي بكم يوم دردشت معي صديقتي المتزوجه ع المسن ..

قالتلي : يآآآآآوك من شي بيجيك ..

~> تقصد اول ليله ..

مع اني قبل ماكنت خايفه ابداً ..

وقبل زواجي بيومين قعدت معي بنت خالتي وقالت لي ان الوضع طبيعي جداً

لازم اكون ريلاكس .. ومرتاحه ومافيه ألم ابداً المسئله سهالات ..

نجي للجد لما جت حزة الحزه ... كنت أشدددددددد اعصابي

كانت المسئله صعبه ومؤلمه زوجي تضايق وانا تضايقت

وقعدت اسبوع بنت

بعدها سافرنا وطولت بالطياره

لما جينا الفندق تمت المسئله بقممممممممة البساطه وربي وربي ماحسيت بشي أبداً

يااربي وين الألم اللي كنت احسه

معقوله !!

اكتشفت ان الألم انا وبس اللي اسببه لنفسي لما اشد اعصابي ..

المغزى : شوفوا معي عقلي الباطن شلون تحكم فيني شوفوا اثر المعلومات اللي تلقيتها

صديقتي الله يهديها خوفتني مره جدددداً كانت غلطانه وش تستفيد لما تدعيلي ربي يعيني وتخوفني كان ممكن تدعيلي بالغيب ولاتقولي بوجهي .. جملتها علقت ببالي بقووه وصرت اتذكرها كل ماقرب زوجي يعني بإختصار ماسوت خير ( ديروا بالكم بليز لما تنصحون اي عروسه مقبله على الزواج )

بنت خالتي الله يحفظها ساعدتني وكلماتها طمنتني

اما تجربة العضوه ياسبحان الله مدري شلون اعتبرت ان اللي صارلها بيصيرلي

المسئله نفسيه بحته ..مع اني ماكنت حسرانه ولاتبنجت المنطقه .. قوة العقل الباطن اشتغلت

بنات الله يخليكم سهلوا على انفسكم وازواجكم المهمه وتراها سهلــــه جداً ..

صديقتي الله يهديها

صعبتها مرره قعدت فوق شهرين .. وندمااااااااااانه تقول بالغت بخوفي بقوه

مالومها عقلها مليان تهويل وتخويف من مجتمع جاهل ..

لاتنقرفين من الجنس معه أبداً ..

انتي اذا انقرفتي تخالفين الفطره ..

هذا الشي فطري يصير مع الكـل ..

وإياك تبينين تقررفك قدامه ..

يمكن اللي ماراح يتقبلون الجنس تمام المراهقات تحت الـ19 ..

تذكري دائما ان هالشي فطري .. وحاجه لازم تشبع عندك وعنده ..

انتهت اول ليله وأحلى ليله بسعآده إن شاء الله ..

ابتدى التحضير للسفر

حسب وين رايحة وكم بتظلين حددي حجم الشنطه

تجنبي تاخذين اكبر حجم وتحطين نفسك بموقف بايخ بالمطار

كوني عمليه خذي شنطه متوسطه ولاتاخذين كل الدولاب

اكيد اغلبكم عارف ايش بياخذ بس بذكركم بشغلات بسيطه

*خذي شنظه زعنطوطه زي شنطة المكياج وحطي فيها كل ادوات تنظيف الفم ..

لأن نظافة فمك مهمه اتعب وانا اقول مهمه ..

فرشاة ومعجون , خيط اسنان , كاشط لسان , كاشط خدود , غسول او حلاو مصاص او علك او هيل اي شي يطيب ريحة فمك ..

* خذي عبايتين لاتكتفين بعبايه ..

* لاتعتمدين على شامبو ولوشن الفنادق خذي انتي الشامبو تبعك واللوشن بحجم صغير لايزيد عن 50 مل .. لأنه ماراح يرضون لك بالمطار ..

* مو ظروري تاخذين استشوار اغلب الفنادق يحطون لك استشوار

ماراح اكثر حكي عن ترتيب شنطة السفر لأن القسم مليان ماشاء الله مواضيع بها الخصوص ..

من أهــــم الأسرار عشان تطيرين عقله

(مفآتنك كنزك )

لما تجهزين ياعروسه لاتكثرين من اللبس اللي يخسرك كثير ..

اللبس الخالع اللي يكشف مفاتنك .. بتقولين لي هاللبس هو اللي يعجب الرجال ..

لك الخيار انك تخلينه يعجب زوجك .. أو يجنن زوجك ..

انا اقولك كيف ..

لما تلبسين بلايز وقمصان نوم كاشفه للصدر على طول وينبسط زوجك عليها وتظلين تلبسينها مره ورى مره تعلقين لين يشبع زوجك ومايعود المنظر يهزه .. هنا انتي فرطتي بكنزك

لما تخبين كنزك صدرك بلبس مايبينه كثير وفجأه تلبسين بلوزه بفتحة 7 كاشفه للصدر ..

بيطير عقله هالمنظر ماعتاده وحلاة الشي ندرته وكل ماغاب الشي زادت قيمته بتلاقينه يتأمل وبينهبل ع الآخر ..

بتشوفين ردة فعل تعجبك ..

كذا الموضوع مع كل جسمك سيقانك ومؤخرتك وحتى ظهرك ..

لاتستهلكين نفسك كثير ..

العبي بعقله جننيه بترضي غرورك ردات فعله بتشبع انوثتك ..

عن تجربه يابنات احيانا انصدم بردات فعله يصير زي الخدران يناديني اجلس جنبه ..

انا ما اقولك لاتلبسين قمصان وبيبي دول ولبس مخشلع بالعكس هذا تبعل للزوج لاكن

بدون عشوائيه العبي بذكاء

ثاني سر اغلبكم مطلعين عليه

(ريحتك )

اكيد ماوصيكم ع النظافه والشاور اليومي لاتدخلين فراشك إلا وانتي متشطفه

غاسله جسمك كله مو شرط شعرك عشان مايتلف غطيه بغطاء الرأس اللي موجود بكل الفنادق حطي غسول المنطقه الحساسه شي ظروووري .. وخذي مجموعه من عطرك الشاور جل والعطر واللوشن .. وهنا يكون السر اختاري عطـر واحد فقط لكل شهر العسل

وحبذا لو يكون من العطور المغريه مثل :

تثير الرجل جداً .. فيه عطور كثيره ابحثي عنها ..

وتجنبي العطور المركزه اللي تخليه لما يقرب منك يصدع راسه واذا كان العطر اللي اخترتيه مركز رشه وحده تكفي ..

استخدمي هالعطر طوول شهر العسل خلي الريحه تثبت براسه كلنا نعرف ان للعطور دور كبير

في استعادة ذكرى الأمكان والمواقف .. هالعطر بعدين بيكون سلاحك بعد شهر العسل عشان تخلقين اجواء حميمه او تقنعينه وتفتنينه ..

كـــوني أنثى بكل تصرفآتك .. كوني رقيييييييييييقه تسلبينه عقله

كـوني أذان صاغيه له لما يتكلم ترى الرجال يقدرون المرأه المستمعه اسمعيه بكل حواسك ولاتقاطعينه بيصير يحكي لك كل شي يصير معه الصغيره قبل الكبيره إحساس حلو لما يكون عندك اللي يسمعلك وتقدرين تفضفضين له اعطي هالأحساس زوجك ..

وبالنسبه لسوالفك معاه بذكرلكم هالموقف اللي صارلي شهر العسل

دخلنا مطعم وكان واضح نص المطعم عرسان كان فيه سعوديه تسولف مع زوجها بصوووت عاااااالي ~> ناسيه حالها المسكينه .. تحكي له عن موقف صار مع خواتها والسواق ماادري ايش المهم ان كل المطعم سمع السالفه حكتها بالتفصيل الممل ومعرووف الرجال يكرهون التفاصيل ومبين على وجه زوجها الملل وانه يسايرها وحتى زوجي انزعج من علو صوتها وضحكها .. رحمتها ياعيني قصدها تسلي زوجها بها السوالف كنها مع صديقتها مو زوجها ..

الرجال مو مثل صديقتك يتحمس لها السوالف ..

سوالف عن ماضيك وذكرياتك ومراهقتك خليها لك .. كوني مستمعه اكثر منك متحدثه ..

على هالنظام حتى السالفه اذا قلتيها بينتبهلها زوجك وبينبسط عليها لأنك مو فاقعه مخه سوالف ..

لما تقعدون على طاولة المطعم وياخذ المنيو ويسألك وش تاكلين اطلبي اللي تشتهين بدون تردد وحيا بتكونين ريحتيه .. لأن التفكير بالنسبه له متعب وشاق .. ولما تقولين له اممم ماادري براحتك .. تطفشينه وتحيرينه ..

ما أنصحك بالببسي .. مو حلو منظرك وانتي تتارعين قدامه

هذا غير عن انه يسبب غازات وضار بالصحه وقلق وانتي عروسه اهتمي بتغذيتك وكوني فريش

أنصحك بعصير الليمون والنعاع يعطر الرحم ويرووق

بليز ابتعدي عن الثوم والبصل وخلي اكلك خفيف ..

بالنسبه للـ shopping time

بنت خالتي بشهر عسلها كان زوجها يعرض عليها يشتريلها لمايتسوقون وكانت تعيي ~> تستحي وماتبي تكلف عليه ..

بعد شهر العسل وليومكم هذا زوجها تعود على هالطبع الشين صار يستكثر عليها ولايشتريلها لأنها هي اللي استكثرت على نفسها ..

اشتري اللي بخاطرك اغلب العرايس يستحون هذا غلط زوجك لما يدفعلك بيكون زي العسل على قلبه اذا رجعتي الفندق عبري عن امتنانك ببوسه او ضمه وشوفي شلون بيدمن يشتريلك .. عودي نفسك من شهر العسل لو شرالك عصير حتى تشكرينه

لما يعطونك تذكرتين سفر للنمسا ويقولون لك اختاري اي شخص خاطرك فيه

راح تميلين لشخص بشوش يستمتع بأدق التفاصيل نظرته للحياه متفائله ويفرح من قلبه

كوني هالشخص لزوجك :

استــمتعي معه بكل شي حتى لو شفتي عصفوره صاايحي بجمالها وتغزلي ابتهجي معه اضحكي ~> ماراح يظر ببرستيجك .. انبسطي فرفشي .. لما تدخلين فندق اشكريه على اختياره وامدحيه ~> شي جميييييييييييييل بالنسبه للرجل ..

زوج صديقتي يقول اغلب اصحابه يرجعون من شهر العسل طفشانين من صمت وخجل زوجاتهم ..

انتي اتسلي وسليه معك ..

قدميله حبــك .. هذي من الحاجات اللي لازم تلبينها عنده حسسيه بحبك بس بحدود كوني حذره ناعمه الهاشمي تقول:

إقتباس:

ليتك تحافظين على رقتك، وغموض مشاعرك، وأن تتجاوبي معه بحذر، لا لشيء، إلا ليدوم الحب، فالمرأةوالانسان بشكل عام، عندما يشعر بحب الأخر، يبتهج، ثم يسقط الحدود ثم يتمادى، ممايجعله يخرج كل ما في جعبته من مشاعر، او افكار، وهذا يفسد الرومانسية، عليك أن تحتفظي بتلك المسافة الجميلة، التي تجعل الحب يمتد ويستمر طويلا

لازم تبينين له انك متقبلته شكلياً امدحيه عشان يثق بنفسه القبول بعد من الحجات اللي لازم تتلبى عنده

الفرآش

و الممارسه الجديده بحيآتك (الج ن س)

.. انا ماني خبيره بها الأمور بحكي حسب خبره بسيطه جداً ..

( )

أولاً كثير صار فهم غلط على سالفة اللي تحت الـ19 مايتقبلون الج ن س هالكلام سمعته من اخصائيه ..

اللي تحت الـ19 مافيهم نضج كافي .. ماراح تستوعب زي بنت ال20 ان العمليه الجنسيه عمليه فطريه وحاجه لازم تشبع ماراح تتقبلها راح تحسه مثل ماربوها اهلها شي (عيب)

إلا اللي تجاوزت هالشعور وثقفت نفسها بأذن الله ماعندها مشكله ..

كثير قريت بقسم الاستشارات عرايس متضايقين من العمليه الجنسيه

مثلاً وحده مالها شهور متزوجه تقول انها لما سوت حركه لزوجها ~> كانت ناويه تبدع بالج نس

ضحك عليها .....!

*ياعروسه بداية الزواج لاتستعرضين عضلاتك لزوجك بالج نس ..

لاحقه ياروحي .. الأيام جايه اذا عندك حركه او وضعيه

خبيها برصيدك بيجي اليوم اللي تحتاجينها هو اللحين مادخله الملل ..

هالحركات لها وقتها .. يعني لاتتفاجئين من موقف زوجك لما يستغرب او يضحك

العمليه جديده عليكم ثنينتكم من وين جايبه ابداعك ~> ترى فيه صنف قليل من الرجال

الله يكافينا الشر شكاكييييييييييييييين

لما تتعودين هنا يحقلك تبدعين

اقري ملف الثقافه الجنسيه للدانه وادخريه ضمن رصيدك

*أنتبهي ثم أنتبهي تتقرفين قدام زوجك من اي شي خلال الج نس .. هالشي بينعكس سلباً على العلاقه الجنسيه وبالتالي على الحياه الزوجيه بالكامل ..

مافيه مانع تبينين لزوجك انك مستمتعه ~> هالشي قمة السعاده لكل زوج .. ان يحس انه ممتع زوجته ومسعدها في العلاقه ..

( )

ولو اني سمعت عن معلومه ~> ومااحب اسمع المعلومه من وكالة يقولون احب اي معلومه تكون من مصدر موثوق مثل اخصائيه او دكتوره المهم .. المعلومه تقول ( المرأه ماتستمتع بالجنس إلا بعد 6 شهور من زواجها ) .. مو متأكده من صحة المعلومه بس ملاحظتها على نفسي وعلى عضوه ارسلتلي بالخاص شوي وتكمل السنه وتوها تستمتع بالجنس ..

يعني اللي ماتستمتع بالجنس بالبدايه لاتوسوس وتفكر نفسها بارده ..

*كوني جاهزه على طول وبأتم النظافه لأنه لو شم منك ريحه مو حلوه بتعلق بباله للأسف اهتمي بنظافة كل شي اسنانك شعرك المنطقه الحميمه حتى رجولك ..

( )

تصدقون ان الرجال يهتمون بها المنطقه ويعتبرونها مقيآس لنظافة المرأه ... لدرجة انها عامل جذب جنسي .. اذكر قريت حوار بين رجل واستاذ جامعي .. في امور جنسيه .. يقوله بخجل انه ينجذب لرجول زوجته قاله الاستاذ : ومن فينا ماتأسره النظافه والاهتمام ..والعنايه بها المنطقه !

وانا هنا اوصيك اهتمي بنفسك من راسك لأخمص أقدامك ..

ماقول ركب واكواع .. مو مهمه هذي الوان المهم النظافه والجلد الحيوي مو اللي كله تراكمات اوساخ وجلد ميت .. ومع النظافه والاستمرار عليها ماتعود الركب والاكواع مشكله ..

والنعووووووووووومه .. تراها تهم الرجال بشكل ماتتخيلينه .. لو ركبك واكواعك ليل لاكن ناعمه مادرى زوجك عن لونها ولاحس فيه ..

تسحرهم النعومه يحبون يلمسون الجلد الناعم وأصلاً هذا عامل جذب جنسي ..

( )

تلاحظين كيف يوصون المراهقين ماينامون على فراش ناعم .. >>مو فاهمة أيش السبب

*كوني بأبهى حله بالفراش انتي مو عزوبيه تدخلين فراشك وشعرك مو مرتب ووجهك مثل ماهو .. انتي تشاركين شخص بالفراش هدفك تغوينه ..

تعرفون الكحل القديم الأثمد اللي وصى فيه رسول الله عليه وسلم ..

حطي منه برسمه حلوه وحطي روج وتعطري .. هذا اذا مالك خلق مكياج ومااشوف مانع انك تحطين روج وشدو وبلاشر وانتي تسولفين مع زوجك بالفراش وقبل ماتنامين بدقايق ~> اذا ماصار شي يظطرك تتروشين مسحتيها .. مو شرط وقت النوم وبس المكياج

*انتبهي انتبهي تعاتبينه او تتهاوشين معه ع الفراش .. مشاكلك صفيها برى غرفة النوم لاتتناقشين معه بأي خلاف ع السرير كذا بتخربين عليك جو المكان .. خلي السرير جنته عن هموم الدنيا وانتي بعد خليه مكان راحه وتصفية ذهن من كل شي ..

* خليه بلمستك ضمتك بوستك روح كل شي أديه من قلب اعطي من قلبك كل شعور ..

* اي شي يصير بينك وبين زوجك لايطلع لأي كائن انتم عارفين حديث رسول الله عليه وسلم .. توني قاريه بقسم الاستشارات وحده تنرحم محرومه من شي بالج نس وتقول اموووت واتقطع لما اسمع وحده تحكي عنه بالتفصيل ... يعني اذا بتقولين اي شي بينكم ممكن تكسرين بخاطر محرومه وتتعلق نفسها او تجيبين لنفسك العين وقبل كل شي هذي خصوصيآت